〔轉帖〕低B女同事

如果俾我遇到，唔知我有無咁好EQ呢?

新聞組連結：〔轉帖〕低B女同事

-----------------------------------------------------------------------------------------

話說今日我食完lunch, 返到公司.....

低B女同事: lennon, 今日陳生搵過你, 你覆左佢未呀?

我: 邊個陳生?

低B女同事: 我冇問佢喎, 我以為你知佢係邊個tim <-------- (可能呢個低B女同事認為我只認識一個姓陳o既男人, 或者佢以為"陳生"係一個人名)

我: 佢有冇留低contact no?

低B女同事: 有, 我mark低左 (跟住比左張紙仔我) <-------------------(但我發現個contact no只有7個位)

我: 咁你知唔知係邊間公司打黎?

低B女同事: 佢都冇講低 <-------------------(咁你又唔問)

我: 咁佢幾時打黎架?

低B女同事: 上晝羅 <---------------(我o岩o岩先食完lunch, 你唔講我都知)

我: 即係大概幾點打黎?

低B女同事: 佢打唔通你個電話之後, 打黎架law <-------------------------(即係幾時?)

我: 咁佢有冇講低咩野事?

低B女同事: 有, 佢叫你盡快打返比佢 <------------------(點快?)

我: 哦, 唔該 <----------------------(我諗我o既脾氣都算幾好, 仲識反射性咁講句"唔該".)

之後我番埋位, 用左二十分鐘, 係眾多未接電話o既record中核對到呢位陳生o既contact
no. 我跟手就call back 陳生

一個女人: 喂

我: 你好, 我係xxx公司o既lennon, 我想搵陳生.

陳生: ......................... 呀.....我係, 不過我係陳小姐, 唔係陳生. <--------(此時, 大家都覺得有d?介)

我: 唔好意思, 請問你之前搵我咩事?

陳生(陳小姐): 啊, 我係xxx市場調查公司o既, 我地公司而家做緊一d電話問卷調查.
只係想阻你一d時間, 問你幾個問題. <-------(下?)

我: 請問你點解有我o既contact no o既?

陳生(陳小姐): 我地係隨機抽籤方式, 事前並唔知你係邊個. 請問你對香港既旅遊業.................... <-----------(我感到心裡面, 突然有一團冇名火燃燒起, 對象係o個個低B女同事)

係我唔太願意下完成左問卷調查之後五分鐘

個低B女同事行埋黎同我講: 阿陳生又打黎, 叫你盡快覆佢...... <---------($?##!%# fu%k $#%$# sh!t#%$#?%)

-----------------------------------------------------------------------------------------